資料寶藏：角球大細唔難玩
上回「王牌球員」卡希爾果然不負所託，對中岸水手個人梅開二度，再度射入「首名入球」，七球入球，六個是「首球」，果然是「首球王」！卡希爾能夠如此多產，除個人質素高之外，其實他接應傳中都係有一手。不過今日小棧不再是討論卡希爾如何屈機，反而要提另一玩法「角球大細」。有留意「角球大細」玩法是澳職重頭戲，網上討論區不時出現角球專家，也會出現一系列得意術語，例如：「連C」（即連續角球），「刷角」（即博角球），地道得來也簡單易明。我瀏覽討論區（Mon Post)都會樂在其中。其實估角球關乎兩個重點：一，球隊打法與翼鋒配合，澳職有不少球隊翼鋒博角球特強，就像墨城的布魯士卡馬奧及鳳凰的巴巴路西斯等，只要遇上有對抗性的閘衞，角球特別多。而且澳職門將今屆表現不太差，左飛右撲，勇救險球，所以角球「大」只要捉中球隊打法同出場球員，其實要玩唔難。二，如果玩得較專業，還可以留意今屆特設的球隊進攻位置分佈圖(Heat Map)，當你研究出兩隊都愛在邊路發難時，角球會買得更有信心。